2025
Қазақстан Республикасы Ұлттық статистика бюросының мәліметінше, 2025 жылы Қазақстан кинотеатрларына 27 043 812 адам барған. Бұл алдыңғы жылмен салыстырғанда 16%-ға жоғары көрсеткіш. Ел бойынша 118 кинотеатр жұмыс істеп, кино залдарының жалпы саны 512-ге жетті.
Бір жыл ішінде 1 097 303 киносеанс өткізілді.
Кино көрсетілімдерінің негізгі орталығы — Алматы қаласы. Қалада 21 кинотеатр мен 167 кино залы жұмыс істеп, көрермендер саны 9,1 миллионнан асты.
Екінші орында — Астана қаласы. Елордада 11 кинотеатр, 69 кино залы жұмыс істеп, 4,8 миллионнан астам көрермен тіркелді.
Үшінші орында Шымкент қаласы — мұнда 7 кинотеатрда 38 зал жұмыс істеп, кинотеатрларға 2,2 миллионнан астам адам барған.
Көрермен саны бойынша төртінші орында Ақтөбе облысы тұр. Өңір кинотеатрларына 1,3 миллионнан астам адам барған.
Бесінші орында — Қызылорда облысы. Мұнда кинотеатрларға 960 мыңға жуық көрермен келген.
Толығырақ

2024
Қазақстан Республикасы Стратегиялық жоспарлау және реформалар агенттігінің Ұлттық статистика бюросының мәліметінше, 2024 жылы Қазақстан кинотеатрларына 23 277 449 адам барған. Ел бойынша 113 кинотеатр жұмыс істеп, кинозалдардың жалпы саны 446-ға жетті.

Бір жыл ішінде 927 469 киносеанс өткізілді.

Кино көрсетілімдерінің негізгі орталығы — Алматы қаласы. Қаладағы киносеанстарға 7,8 миллион адам барған.

Екінші орында — Астана қаласы. Елордада кинотеатрларға 4 миллион адам келген.

Үшінші орында — Шымкент қаласы, мұнда кинотеатрларға 1,9 миллион адам барған.

Толығырақ

2023
Қазақстан Республикасы Стратегиялық жоспарлау және реформалар агенттігінің Ұлттық статистика бюросының мәліметінше, 2023 жылы Қазақстан кинотеатрларына 20 995 700 адам барған. Ел бойынша 113 кинотеатр жұмыс істеді.

2022

2022 жылы қазақстандықтар 17047524 рет киноға барды, оның үштен бірінен астам – 5949918 рет отандық өндіріс фильмдеріне барған.
Осындай ақпаратты ҚР Стратегиялық жоспарлау және реформалар агенттігінің ұлттық статистика бюросы жариялады.
Сонымен қатар, құжатта кинозалдардың және кинотеатрлардың саны, жалпы ел бойынша да, өңірлер бойынша өткізілген киносеанстардың саны, кино өнімін өндіретін елдер бойынша бөлінген фильмдерге бару статистикасы туралы мәліметтер қамтылған. Жеке кестеде көрсетілген қызметтер үшін кинематографиялық ұйымдардың алған табыстары туралы мәліметтер келтірілген, жалпы республика бойынша бұл көрсеткіш 26851351,2 теңгені құрады.
Құжатпен толығымен сілтеме арқылы танысуға болады.

2021

Қазақстан Республикасы Стратегиялық жоспарлау және реформалар агенттігінің Ұлттық статистика бюросының сайтында жарияланған статистикалық деректер Қазақстан киноиндустриясының 2021 жылы қалай дамығанын көрсетеді.
Құжаттардың бірінде кино-, бейнефильмдер мен телевизиялық бағдарламалар, фонограммалар мен музыкалық жазбалар өндірісі бойынша қызметтер көлемі туралы ақпарат қамтылған.
Сондай-ақ, кинокөрсетілімді жүзеге асыратын ұйымдар қызметінің негізгі сипаттамалары.
Сондай-ақ кинокөрсетілімді жүзеге асыратын кинематографиялық ұйымдардың қызметі туралы егжей-тегжейлі деректер жарияланды.

2020
Ағымдағы жылдың үш тоқсанының қорытындысы бойынша кино, бейнефильмдер және телевизиялық бағдарламалар, фонограммалар мен музыкалық жазбалар өндіру қызметтерінің сомасы 31,7 млрд теңгеге жеткен – бір жыл бұрынғы көрсеткіштерге қарағанда құндық мәні 19,3%- ға өскен. Нақты өсім 13,5% құрайды.
Сектордағы барлық қызметтердің жартысынан астамы (53,4%) кино, бейнефильмдер және телевизиялық бағдарламалар өндірісіне тиесілі: 16,5 млрд теңге, бір жылда 91,3% қосылған.
Кино, бейнефильмдер мен телевизиялық бағдарламаларды таратуға қатысты қызметтер көлемі 3,1% - ға, 9,2 млн теңгеге дейін өскен.
Кинофильмдерді көрсету қызметтері бір жылда 21,2 % - ға, 4,7 млрд теңгеге дейін, кино, бейнефильмдер мен телевизиялық бағдарламаларды шығаруды аяқтау қызметтері — 86,9 %-ға, 346,5 млн теңгеге дейін, дыбыс жазу және музыкалық шығармаларды басып шығару саласындағы қызметтер – 1,3% - ға, 154,4 млн теңгеге дейін қысқарды.

2019
2019 жылы Қазақстан ең жоғары көрсеткіштерге қол жеткізді.
Касса алымдары 21.2 млрд. KZT = $ 54.4 млн.
USD дейін жетті, ал кинотеатрларға кірулер саны 19.9 млн. адамды құрады.